مودي

نُشر الاثنين، 29 مايو 2023

11شهر

ENTP

برج العذراء

2

1

المقبرة

انك تشوف قصة أو تسمعها ده شئ ممتع لكن انك تعيشها ده شئ صعب والقصة اللي انا عشتها وانتا هتقراها دلوقتي أصعب حاجه ممكن اتصورها أولا اعرفك بنفسي انا اسمي مودي  مهندس بترول عندي 25 سنه عازب شغلى بيحتم عليا اتنقل من مكان لمكان ودايما مش بكون في مكان ثابت وده من الأسباب اللي خلتني متجوزش ولا افكر في الجواز في يوم من الأيام كلمني  رئيسي في الشغل وقلي اننا مسافرين لمنطقة اسمها المقبرة عشان نحفر هناك جهزنا وسفرنا ونزلنا عند كشك ف الطريق نجيب أكل وشرب بس الغريب ان صاحب الكشك فضل باصص لينا ومستغرب وسأل ع فين يا جماعه انشاءالله محدش  بيجي النحية دي  سألت ف استغراب و  اي السبب اللي يخلي الناس متجيش؟  قالي هو انتا متعرفش ان قدام هنا كده المقبرة سألت ف نفس الاستغراب ومالها منطقة المقبرة دي قالي المكان ده عامل زى المتاهة اللي بيخش مبيخرجش قلت وانا بضحك واحنا هنهد المتاهة دي الراجل اتظعراتذعر  وقال تهدوا اي انتو عايزين تاذونا عايزين تخلوهم يطلعوا ويخلصوا علينا أنتم مجانين استغربت وقلت هما مين قالي المقبرة دي زمان كنت أرض ملك راجل حكيم اسمه محمود كان دايما بيختبر ذكاء الناس وبيعلم أهل القرية وفي يوم اسود ربنا ما يرجعوا جه واحد غني قال للناس انه هيشتري منهم الأرض بفلوس كتير اوووي بس بشرط يهدوا المتاهه وبعد ما الطمع دخل قلوبهم  قرروا أنهم يهدوا المتاهة بس ووهما بيهدوها بنت الحكيم الوحيدة كانت جواها وماتت بسببهم خرج الحكيم وشاف اللي حصل  فضل واقف مصدوم وبقا  بيقول كلام غريب بس فجأه المتاهة رجعت زي الأول والناس كلها اللي كانت بتهدها دخلت جواها  ولحد دلوقتي مخرجش منها حد وكل ما يدخل حد ميخرجش حاولنا كتير نهد المتاهة تاني لكن كل مره  يظهر الحكيم  واللي حاول يهد المقبرة يختفي وفي كل سنه ف اليوم اللي ماتت فيه بنت الحكيم بتموت بنت من أهل القرية محبناش ولا انا ولا مديري نصدق قصة صاحب الكشك ده وقررنا اننا هنشتغل ف الموقع مهما حصل رغم أن ف جزء من الرجالة اللي معانا بدأت تقلق وكنا سامعين كلامهم وبدأنا نحس بالخوف جواهم لكن كان لازم نشتغل ف الموقع مهما كانت الظروف وصلنا الموقع ونزلنا المكن وكانت تقريبا الساعه داخله على عشرة بليل كل كرفان اتحط في مكانه ودخلنا كلنا عشان ننام ونرتاح من تعب السفر وتنزيل المكن حاولت أنام لكن معرفتش طبيعي ان أول يوم ف اي مكان بيكون مقلق لكن اللي مش طبيعي هي الأصوات اللي كنت بدأت أسمعها أصوات بنات بتصرخ زي ما تكون بتتعذب حسيت ان الصوت جاي من بره بس كنت كل ما أخرج من الكرفان اشوف في اي الصوت يختفي استغربت ودخلت أحاول أنام تاني وفعلا نمت بس فجأه صحيت ع صوت صريخ أشد من الأول بكتير بس المره دي الصوت كان قريب جدا منى حسيت ان الصوت جاي من تحت السرير اللي انا نايم عليه قمت وأنا قلقان وبدأت اخاف لكن عايز اعرف فيه اي وبصيت تحت السرير………